Trygg styring for eit sterkare Vestland
Kapittel om fylkesstruktur
Trygg økonomisk styring er ein føresetnad for at vi skal nå dei overordna måla våre. I usikre tider skal dette sikre velferda vår.
Politikarane må vise moderasjon. Godtgjersla til folkevalde skal samtidig legge til rette for demokratisk deltaking for flest mogleg. Leiarlønningar til administrativt tilsette skal vere konkuransedyktige, men ikkje lønsleiande.
Arbeidarpartiet meiner at Vestland fylkeskommune er så stor og omfattande at den politiske styringa må styrkast gjennom parlamentarisme eller ein formannskapsmodell med meir politisk styring.
I Vestland har vi vist at når ein gir fylkeskommunen fleire oppgåver, så løyser vi dei betre enn staten. Vi har kompetansen og storleiken til å ta over fleire oppgåver. Oppgåver som best vert løyste på eit regionalt nivå, bør flyttast til fylkeskommunen. Slik kjem makta nærare folk.
Eit samla Vestland skapar ein slagkraftig region. Difor opnar Arbeidarpartiet for å samle heile Vestlandet i eitt fylke.